Fnaire حاولو يدخلو ستيل جديد ف الراب سماوه: التقليدي راب

Fnaire كروب من مراكش، بدا ف 2000 كيتكون من Achraf، Tizaf و Khalifa و Dj Van، من روابا لوالا لي خلطو الراب بالموسيقى التقليدية المغربية. خلقو ستيل فريد سموه “الراب التقليدي” ، اللي خلا موسيقاهم مقبولة عند الصغار والكبار، وملقاوش صعوبة باش يتأقلمو معاها. أغانيهم كتهضر على الثقافة المغربية، الفخر، والتحديات اللي كيواجهوها الناس بدريجة بسيطة، وكتعاون الناس باش يتواصلو مع جذورهم عبر الراب.
ف البداية، Fnaire واجهو معارضة و إقصاء من الروابا لخرين، كانو كيعتبروهوم حرفو الراب وردوه شعبي، حيث خلطو الراب بنفس الالات الموسيقية ليكاينا ف الشعبي، ف الحساني، ف الامازيغي … وللي فسروه بان راب ديال امريكا كي اعتامد على Samples ديال Jazz و Blues، فعلاش لا منديروش نفس الشيئ باستعمال الموسيقى ديالنا وللي معروف المغرب بالتنوع الموسيقي فيها. Fnaire بقاو مخلصين لستيلهم، و زادو بدعو و خرجو 3 البومات كلها غادا ف هاذ الستيل، ومع الوقت كسبو الاحترام والشعبية، سواء ف المغرب أو دوليا.