كيفاش هاذ البلان؟
الدافع
من ديما وانا كنعشق نسمع لراب، فيه شي تفاصيل عمرني لقيتها فشي ستيل آخر، تابعت
البدايات و التطور ديال هاذ ستيل ف المغرب من بداية 2000 تال دابا، كيبهرني كيفاش
الثقافة كتكبر وكاتبدل، حسيت باللي خاصني نوثق هاد التاريخ للي كي بان ليا مهم ماشي
غير لعشاق الراب بحالي، ولكن حتى لأي واحد عندو الفضول يعرف كيفاش وصل الراب المغربي
للي ما هو عليه اليوم.
هاد الشي اللي خلاني نخلق هاد الموقع. هادي طريقتي باش نوثق الرحلة والتطور ديال
الراب المغربي. باش يكون نقطة بداية فتوثيق الراب، و يكون مادة خام لأي واحد يبغي
دير فيلم، وثائقي ولا كتاب على الراب المغربي ولا حتى شي مسلسل ف Netflix بحال Hiphop-Evolution.
طريقة الخدمة
خصصنا ساعات طويلة ف البحث، التحقق، وتجميع المعلومات باش نصاوْبو هاد الجدول الزمني. جمعنا المعلومة من مصادر مختلفة باش نتفادو أي تحيّز ولا معلومات خاطئة. عدنا فريق ديال المتطوعين اللي كيعشقو موسيقى الراب المغربي وكيحرصو باش كل حاجة مذكورة تكون صحيحة ومواكبة. الهدف ديالنا هو نوفروا توثيق دقيق ومفصل لتاريخ الراب المغربي.
جودة المعلومات
كنحاولو نقدموا معلومات دقيقة ومواكبة ف الجدول الزمني ديالنا. ولكن حيت البحث
ف التاريخ كيكون معقد، ممكن تكون شي معلومات ناقصة ولا غالطة. على هاد الحساب،
كنعتمدوا على خبراء ف التاريخ باش يعاونونا فعملية التحقق وتأكيد المعلومة.
إلى لاحظتي شي خطأ ولا نقص ف المعلومات، مرحبا بيك تساهم معانا باش نصححوها ونكملوها.
أسئلة شائعة
شنو هو Rwipa؟
Rwipa هو Timeline كيوثق تاريخ Rap المغربي، من البدايات ديالو فالثمانينات حتى النجاح العالمي ديال اليوم. كل حدث منشور بالإنجليزية وبالدارجة.
لمن موجه Rwipa؟
للفانز ديال Rap المغربي، للفنانين، للصحافيين وللباحثين اللي باغين كرونولوجيا موثوقة ديال السين: الفنانين، الألبومات، الـBeef والمحطات المهمة.
منين كتجيبو المعلومات؟
كل حدث مبني على مقابلات، مقالات، وثائقيات ومصادر إعلامية موثوقة، وكاملين مذكورين فصفحة المصادر.
كيفاش نقدر نعاون؟
تقدر تتبرع، تتطوع كمطور، مصمم، باحث ولا كاتب، ولا تعاون بالنشر فالسوشيال ميديا. شوف صفحة عاون الفريق للمزيد من التفاصيل.
