أول بدايات الإنتاج الموسيقي

قبل الإنترنت، ماكانوش الموارد كثار باش يقد رابر يقاد Beat ديالو، الأغلبية كانوا كيرابيو على إيقاعات قليلة بزاف جايا من برا، من ميريكان و فرنسا، بحال Face-b، وحتا سي Loop كتشيط من شي طراك فلخر.

ولكن ملي جات الإنترنت فـ 2000، بداو روابا كي تيليشارجيو بكاع الاشكال والالوان. من بعد ولاو روابا محتاجين Beats ف الالبومات ديالهم يكونو حصريين مامعودين فتا شي بلاصة، هاكا بان جيل جديد من المنتجين الموسيقيين، الـDJs، و Beat Makers.
أسماء بحال DJ Key، DJ Khalid، DJ Van، Tizaf، Maestro on the Beat، وMasta Flow ولات مشهورة حيث خلقو إيقاعات جديدة مخصصة للراب المغربي. خدمو مع الرواد الأوائل بحال Bigg، Muslim، Fnaire، وH-Kayne، ونتجوا وحدين من أكبر الأغاني فهاد الفترة.

أكثر من هاد الشي، أغلب هاد المنتجين ما صنعوش غير الإيقاعات، ولكن كي طلعو لاصين مع الروابا، ومن بين الأمثلة البارزة DJ Key، Van، وKhalid.