Dros و Shayfeen دارو ميزاجور للراب المغربي

الراب المغربي ف البديات ديالو تعرف كثر بمعالجة المواضيع الاجتماعية والسياسية كمنفذ للتعبير المستقل، ولكن ورا 2010 بدات كاتبان موجة جديدة من الروابا لي شافو و سمعوا جودة للي كاينة برا، وحاولو يديرو ميزاجور للراب المغربي وعرفو يرقيو الراب المغربي لنفس Sound ليكاين فأمريكا بحال Dros و Shayfeen
Dros قدم صوت جديد مستوحى من الشارع الأمريكي، متأثر بزاف بالموسيقى ديال West Coast، ومعاه كليبات موسيقية عالية الجودة. “Cazafonia” جابت فايب و هيت جديد للي عجب ماشي غير الجمهور ديال الراب ولكن حتى الروابا المعروفين بحال: Bigg وMuslim و Casa Crew.
فداك الوقت، Shayfeen، الكروب للي كايتكون من Shobee وSmall X، جابو أصوات و مواضيع جديدة ومبتكرة للراب المغربي. كانو قبل شاركو فمسابقة Generation Mawazine 2011 وبقاو حتال الفينال، من وراها خدمو على راسهم خرجو Mixtape Energy بإيقاعات وكلمات مستوحاة من Maybach Music، OVO، وTrap. هاد الشي ديمارا موجة جديدة أكثر تفتحا من ناحية المواضيع و الموسيقى الحاجة حلات بيبان جداد وطريقة راب جديدة.