Fnaire و H-Kayne قدرو يدخلو الراب لديورا

راب ديال Underground كان غادي و كيطغا ف الساحة، كروبات من كاغ المغرب كيتنافسو بيناتهوم، ولكن H-Kayne و Fnaire كان عندهم توجه آخر، كانو كيحاولو يحطو موسيقى وطنية قريبة من التراث المغربي لا من اللحن آلات تقليدية ولا اكلمات بسيطة ، هاذ القضية غادي تعاونهم بزاف جذب جمهور أكبر.
ورا الهجمات الإرهابية ديال 2003، Fnaire و H-Kayne قدرو يبانو كثر ويتربعو على الموسيقى الشبابية، الأغاني بحال “Matkich Bladi” لFnaire و “Issawa Style” لـ H-Kayne كانت Hits, كاع الرادويات والتلفزات المغربية كيطلقوهم كل نهار، هاذ شي عاون الراب يدخل حتال الديور ديال المغاربة.
كانت هادي مرحلة جديدة الراب المغربي قدر يلقا طريق جديدة يبان بيها من غير شنو طاري فزنقة و يولي جزء محترم من المشهد الموسيقي الوطني، ويتقبلو الكبير والصغير.