المدرسة لقديمة VS المدرسة الجديدة - معركة الراب المغربي

ماعمر كان صداع بين الجيل لقديم و جديد ديال الروابا المغاربة، ولكن التوترات بدات كتبان منين دار 7liwa واحد Interview مع StreetArt. فــين اتهم Bigg، بأنه ما كيدعمش الجيل الجديد، رغم أن Bigg عندو شركة إنتاج معروفة واستوديو محترف و قصح الهدرة معى الجيل لقديم كامل حيث معتارفش بالوجود ديالو..
هاد التصريحات خلات بعض الروابا القدام يتفاعلو، مما أدى لردود فعل من روابا بحال Muslim و Caprice في فيدوهات مختلفة. الوضع تصاعد منين Bigg خرج واحد الأغنية Clash اسمها “Generation TikTok.” فهاد الأغنية، اللي كانت ستايل جديد بالنسبة ليه، Bigg انتقد الجيل الجديد، وقال بأن النجاح ديالهم مبني على مجهودات الروابا القدام.
بعد سنوات، رجع الصراع منين Bigg خرج واحد الأغنية Clash أخرى اسمها “170kg”، و لي كانت قاصدة 7liwa، Dros، Komy، Ily، وروابا جداد آخرين. بزاف من هاد الفنانين جاوبو، ولكن واحد منهم لجاب العز للجيل الجديد: “Al Moutanabi” لـ Dizzy Dros. هاد الأغنية حطمت الأرقام القياسية وولات Hit، حتى ولا المغرب الكامل متبع و كيتسنا الرد من الجهة الأخرى، الصدى ديال هاد Clash خلى حتى البرامج التلفزية تهتم بالموضوع و تحاول تستاضف DROS و Bigg.