Labels كبار كيتعاقدو مع مواهب محلية

مع تطور الراب المغربي وكسبو لجماهير عالمية و دخول Spotify للمغرب، بدات شركات كبيرة بحال Universal Music Group وSony Music Middle East كيوقعو مع مواهب محلية بحال Iguidr، Ljasos، Rays، و7liwa.

هاذ النجاح جا ورا كفاح كبير ديال روابا لقدام للي خدمو حتى قدر الراب المغربي يوصل للمستوى للي عليه دابا و يجلب اهتمام هاد الشراكات للي بدورهم عطاو لروابا المغاربة الإمكانيات باش يصنعو موسيقى وكليبات بجودة عالية، ورفعو المعايير ديال الصناعة حتى تولي عندها سمية ف الراب العالمي بحال فرنسا و انجلترا.