Sony Music، Warner Music وMass Appeal كيوقّعو مع نجوم الرّاپ المغربي

فخبر كبير كيأكد الصعود ديال الرّاپ المغربي، وقّعو كبار الفنانين المغاربة مع شركات إنتاج عالمية. Dizzy DROS، Snor وKouz1 التحقو بـWarner Music MENA، و Lmoutchou (Mobydick) سبقهم ووقّع مع Sony Music MENA نهار 21 فبراير. وهاد الدينامية ما وقفاتش هنا، حيت فـ19 أبريل، Smallx كان سبّاق كأول فنان من منطقة MENA يوقع مع شركة Mass Appeal Records، اللي كاينة فـنيويورك وتأسّسات من طرف أيقونة الرّاپ Nas. تعليقًا على هاد الحدث ديزي دروس قال “الإرث ما كيتبناش فليلة ونهار”، وهاد الخطوة كتبرهن على هاد الكلام. كل واحد فيهم جاي بستيل خاص: Snor جاي بالغموض، Kouz1 كيدمج الإيقاعات الإفريقية، Lmoutchou معروف بالكتابة ، DROS كيضبط الإيقاع، وSmallx، اللي متألق فطريقة الdelivery ديالو بالدارجة، هادشي كامل كيزيد يأكد كيفاش الرّاپ المغربي ولا عندو صدى عالمي. هاد العقود ماشي مجرد توقيعات، هادو رسائل واضحة: العالم متبعنا، والصناعة الموسيقية بدات كتوافق السرعة للي غادي بيها الرّاپ المغربي.