ربعة ديال الروابا المغاربة دخلولـ Mass Appeal ديال Nas

الراب المغربي دار خطوة تاريخية فالعالمي، حيت ربعة ديال الفنانين المغاربة ولاو جزء رسمي من عائلة Mass Appeal، الليبل الأسطوري فـ نيويورك للي أسسو أسطورة الهيب هوب Nas.
Small X هو للي حل الباب فأبريل 2025، ولى أول أرتيست من منطقة MENA كيسيني مع Mass Appeal، ومن بعد لاح EP ديالو “NAFIDA” فماي 2025. من موراه، التحق البروديسر Ramoon والرابور 7ARI بالليبل بالألبوم المشترك ديالهم “101”، للي جمع بين الإنسپيراسيون الغربية وستيل المغربي فالراب.
وفـ 29 ماي 2026، Ramoon جمع 7ARI و Madd فتراك واحد بعنوان “LASTIQUE”، للي خرج تحت Mass Appeal / Fya Gang. الكليب السينمائي دغيا طلع للـ Trend الأول فـ Youtube بالمغرب، وجاب كثر من 400,000 مشاهدة فـ 48 ساعة الأولى، وفايت 4 دالمليون مشاهدة دابا.
ربعة ديال الأصوات وستيلات مختلفة — Small X، 7ARI، Ramoon، و Madd — كيهزو الراية المغربية فقلب Mass Appeal. من أيام Shayfeen لـ Sensus، ومن أسفي لكازا، الراب بالدارجة فرض راسو فأكبر منصة هيب هوب، وبين بلي الساحة المغربية ما محتاجة اعتراف من حد، غير شركاء كيتيقو فالرؤية والـ Vision ديالها.