شمس الدين، أول رابور مغربي

محمد بن بوشتى، تزاد ف وجدة ف أوائل الستينات. ف العشرينات ديالو، مشى لباريس. تماك تلاقى مع Patrick Duteil، لي معروف ب DJ Sidney، واحد من الوجوه الكبيرة ف الراب الفرنسي. Shams Dinn كان كيرابّي ف البارات و الهوستلز، بالعربية. بنادم مكانش كي فهم شنو كايقول ولكن عاجبو الهيت هكا حتا بان Shams Dinn.
Shams Dinn بغا يبدا الكارير ديالو و يكون صوت ديال المهاجرين العرب لكاينين ففرنسا. بدا كيشارك ف المسابقات ديال الراب ف أوروبا و يطلع يرابي فبلايص صغار حتى لواحد نهار واحد لابيل كبير عجبو وقتارحو عليه يخدمو معاه ألبوم كامل.
ولكن للأسف، Label قرر ما يديرش الماركتينغ للموسيقى العربية بسباب حرب الخليج ديك الساعة، وطلبو من Shams Dinn يترجم الألبوم من العربية للفرنسية. Shams Dinn رفض هذا الشرط، وتخلّاو عليه من Label.
من بعد، Shams Dinn خدم ف مدرسة، وكان كيعلم الوليدات كيفاش يرابيو ويعبرو على راسهم بالكلمات.