لبروديوسرز لمغاربة ولاو مطلوبين برا

الراب المغربي دار قفزة كبيرة ف الجودة ديال Beats، Mixing و Mastering، حتى وصل لواحد المستوى اللي خلى حتى الفنانين من مجالات أخرى بحال الPop يبغيو يخدمو مع بروديوسرز ديال الراب.
هاذ الكثرة ديال الستوديوهات، البيتمايكرز، والمنتجين خلق منافسة قوية، وهاد الشي خلا عندنا بروديوسرز ف النيڤو العالمي لي ولا عليهم الطلب من لخارج، خاصة من أوروبا. بروديوسرز بحال West و Hades خدمو مع روابا ديال فرنسا بحال RimK، Gims، La Fouine، و La Crime، وفنفس الوقت Yo Asel و Ramoon خدمو معا روابا ديال امريكا بحال French Montana و 6ix9ine.
هاد البروديوسرز قدو يربحو Gold Records و Platinum Records، اللي كيبينو القيمة ديال الخدمة ديالهم والنجاح اللي حققوه ف الستريمينگ.