صعود الراب الأمازيغي

فالوقت اللي الدارجة كانت هي اللي مكتاسحة الراب المغربي في البداية ديالو، السنين الأولى ديال الألفينات بدا الصعود ديال التعبير بالأمازيغية فالهِپ هوپ. بداو الرّوابا كيسترجعو هويتهم، وكيْرابّيو باللّغة ديالهم باش يعكسو الواقع الأمازيغي. روّاد بحال Style Souss كانوا من الأوائل اللي خلطو بين تاشلحيت والستيل urban القوي للي كان ديك ساعة وبيّنو للعالم أن الهيپ هوپ يقدر يحمل الإيقاع ديال الموروث الثقافي. هاد الشي فتح الباب لأصوات جديدة. من بين أبرز الأسماء، كاين IGUIDR و DONTIF اللي كيْرابّيو غير بالأمازيغية، وكيْحطّو السرد الأمازيغي فوسط إنتاج عصري وجد متطور، وهاد الشي كيْميزهم على فنانين آخرين. و طبعًا مانساوش سميات اخرين بحال Nessyou و Pause Flow اللي كايخدّمو كلمات الأمازيغية فالرّاپ و كيدفعوها لأقصى المستويات التقنية. وفنفس الوقت، فنانين آخرين بحال Dada كان عندهم دور كبير في صناعة موجة ال trap عن طريق دمج الثقافة ديال الـ street المحلية مع ستايلات عالمية. هاد الموجة الجديدة ديال الفنانين ساهمت بشكل كبير في انتشار الصوت و الصدى ديال الرّاپ الأمازيغي.